انـــــــــا وهيـــــــــا

انـــــا وهيــــــــا

انا بعشقها ومخبى

وهيا كمان مخبيه

انـــــا وهيـــــا

أبان قــال يعنــى مش ليهـــا

وهيـــا كمـــان مــش ليا

محدش راضى يتكلم

وبنعاند ونتألم

ومين فينا اللى هيسلم

انـــــا...؟؟

لاااااااااااااااا هيــــا

ـ

مش حاسه بيا

حبيتك وانتى بعيد عنى

ودوبت فى حبك وهواكى

وعشقتك لما بقيتى جنبى

وبقيتى فى حضنى احلى ملاك

عشت اجمل ايامى معاكى

وكنتى معايا احلى حبيبه

حبيتك وانتى بعيد عنى

وحبيتك اكتر وانتى معايا

بس باينى انا كنت بحلم

ده انتى ولا يوم كنتى معايا

كنتى معايا بعيد عنى

وحضنك ده مش ليا

بحبك....؟ اه بحبك

بس انتى مش حاسه بيا

كل اللى حسيته كان حلم

بحلم يكون ليا

بحلم بيكى كل يوم

وطار من عنيا النوم

بخاف انام احلم بيكى

مع انى بتمنى اشوف عنيكى

بحلم بيكى كل يوم

وبتمنى تكونى ليا

حظ ولا نصيب يا قلبى

ماهى اصلا مش حاسه بيا

يعنى ايه كلمة بحب..؟؟

يعنى ايه كلمة بحب..؟؟!!

يعنى قلب اشتاق لقلب

يعنى احلى شوق واحلى فرحه

يعنى احلى عروسه لابسه طرحة

يعنى قلب مليان حنان

يعنى شوق مبينتهيش

يعنى فرح ميتنسيش

يعنى احساس ميتحكيش

يعنى القلب خلاص هيعيش

يعنى القلب خلاص بيحب

يعنى كل نبضه فيها اسمك

يعنى كل زهره فيها صورتك

يعنى القمر ده من نور عنيكى

يعنى الشمس دى من دفى ايديكى

يعنى الموج ده شوقى ليكى

يعنى دايما وحشانى

يعنى دايما حنانى بيرسم صورتك قدامى

حبك ده ايه...؟

حبك ده اى كلام

عيشنى فى سنين اوهام

حبك مش عايز اعيشه

ولا حتى احن ليه

حبك خلاص كرهته

ولا عايز ارجع ليه

كنت فاكرك ليا

اتاريك قضيت عليا

قتلت الحب فيا

وتعبت قلبى معاه

حبك خلاص هنساه

ولا عمرى هتمناه

حبك ده وهم كبير

عيشنى فى موت كتير

حبك يا ريتنى ما عشته

ولا حتى فى يوم عرفته

حبك مبقاش ليه مكان

خلاص قلبى جواه بركان

بركان فجرتيه بأديكى

بركان من شوقى ليكى

اللى كان مبينتهيش

وكنتى على قلبى متهونيش

دلوقتى زيك زى غيرك

وخلاص انا اللى هعيييش

المسرحية

مثلتى عليا الحب وعملتى ملاك

اتارى حبك مش حب ده هلاك

طلعتى خاينه وغشاشه

وقلتى لقلبى ده قضاك

طيب وايه ذنب قلبى البرىء

هو علشان حبك تموتيه غريق..؟

غريق فى بحر الاحزان

غريق مع مركب ملهاش قبطان

مركب قبطانها خاين

وعلى قلبه كله هاين

كله يموت يهون

لكن قلبه يعيش ويجرح على طول

طول عمره اتعلم يخون

وعمره ما اتعلم يفرح

تحبه يخونك

تنساه يصونك

يقولك انا حبيبك

وكل يوم انا عيدك

بس اوعى تحن ليه تانى يا قلبى

دا ذنبه هوه خلاص مش ذنبى

جرحنى وسكت

خانى وتعبت

كل يوم يحلم بغيرى

امتى هيحلم بيا

لما تكمل المسرحي

هولا لما يلعب بيا

ماهو خلاص ضاع من ايديا

علشان هوه فى حضن غيرى

يلا اهو خاين وراح

ولا عمره فى يوم هيرتاح

هيعيش من حضن لحضن

وفى الاخر هيموت

بس عمره ما هيرتاح

====== ! ! B a D B o Y ! ! ======

التــــاج

بقالى كتير اووى مكتبتش فى البلوج

بس مقدرتش مكتبش لما التاج وصلنى من اعز صديقه واخت ليا

Re7ab

اجابه سؤال التاج تقريبا هيكون عند الاغلبيه متشابه فى حاجه واحده

هنعرفها سوا دلوقتى

تكلم عن هواية لما بتمارسها بتستغرق فيها تماماً وتنفصل عن عالم الواقع لفترة من الوقت أثناء ممارستها

انا بحب اوووى الكتابه زى مثلا كتابه كلمات اغانى

اكتب قصائد اكتب شعر خواطر بحب اكتب كل حاجه

عندى كشكول كبير ملياااان حاجات انا كاتبها مألها

انا بصراحه شايف فيها حاجات كتير اوووى حلوه مش شكر فى نفسى يعنى بس

بجد فيها حاجات عجبانى اوووى واللى انا بكتبه ده محدش شافه غيرى خالص

انا بنزل حاجات بسيطه اوووى منه فى البلوج هنا بس دول 3 بس من كميه كبيره

وبصراحه وانا بكتب كل واحده منهم بكون قاصد اللى بحبها انها تشوف الكلام ده مش شرط تشوفه فى البلوج

لكن لما اكون معاها اديها الكلام الىل انا كاتبه كله تاخده تقراه وتفكر فيا وهيا بتقراه

دى حاجه من ضمن الحاجات الىل بحبها اووى وبتنسينى كل الدنيا لما بعملها وبركز فيها لوحدها

وتانى حاجه بقى البرمجة او شغل الكمبيوتر وتصميم البرامج وتصليح الكمبيوتر والفوتوشوب والكلام ده

بحب اووووى كل حاجه فى الكمبيوتر وبحب اتعلمها واعلمها بحب لما حد يسالنى عن حاجه فى الكمبيوتر

ميكونش ردى عليه معرفش احب ردى يكون مفيد ليه واقدر اساعده لان دى احجه بحبها

تالت حاجه بقى هيا النت وهيا دى بقى اللى نلاقى كتير متشابه فيها وبحب كمان

المنتديات والتعارف على اصحاب من ع النت

النت ده بجد بحس انه مملكه متكامله فيه كل حاجه حلوه وكل حاجه وحشه المهم انك تستغله صح

اتعرفت من ع النت على اجمل اصحاب واخوات فى الدنيا وبقضى معاهم احلى الاوقات

لما بدخل النت بحس انه عالم لوحده بعيد عن العالم التانى بس اللى بيربطهم ببعض

هما اجمل اخوات واصحاب بعرفهم ع النت واقابلهم فى العامه بعيد عن النت

ومنهم اجمل صديق ليا Shery33

وفى كتير عرفتهم من ع النت واصحابى اوووى لدرجه انى عرفت واحد من ع النت

واكتشفت انه ساكن قى الشارع اللى ورانا اوان مكنتش اعرفه قبل كده

وبقينا اجمد اصحاب واعتقد ان النت ضاف للكل كتير

وفى الاخر احب اشكر رحاب انها مررتلى التاج

وربنا يديم كل حاجه حلوه بينا يارب

ونفضل اخوات طول العمر

====== ! ! B a D B o Y ! ! ======